2.7
Meðhöndlun sorps
Rekstraraðilar eru ábyrgir fyrir því að losa sig við úrgang á næsta endurvinnslurými úrgangs og fylgja leiðbeiningum um flokkun.
Umbúðir/hráefni þurfa að vera hrein til að hægt sé að endurvinna þau. Því er mikilvægt að tæma og hreinsa matarleifar úr umbúðum, annars skal setja þær í blandaðar úrgang.
Rekstraraðilar eru sjálfir ábyrgir fyrir förgun á húsgögnum, stærri raftækjum, búnaði og öðru sem fellur utan daglegs reksturs.
Ekki er heimilt að skilja eftir úrgang eða búnað á gólfi á endurvinnslurými.
Ekki er heimilt að geyma úrgang eða búnað fyrir utan rými rekstraraðila.
Rekstraraðili skal fylgja verklagi Isavia um úrgangsflokkun og takmarka úrgang sem fellur til.
Markmið Isavia er að 2025 nái hlutfall flokkaðs úrgangs 55% og 70% árið 2030. Eitt af markmiðum Isavia er að leggja áherslu á góða nýtingu auðlinda, lágmörkun úrgangs og aukna endurvinnslu.
2.7.1
Sorpflokkun á Keflavíkurflugvelli
Blandaður úrgangur
Óendurvinnanlegur úrgangur; t.d. einnota hanskar, uppsóp, penslar og límband.
Bylgjupappi
Allur bylgjupappi, millispjöld af vörubrettum og hreinir pítsukassar.
Plastumbúðir
Plastumbúðir hreinar, plastfilmur, pokar, bakkar utan af mat og brúsar.
Ljósaperur
Allar heilar ljósaperur, brotnar perur fara í spilliefnakarið.
Matarleifar
Allir matarafgangar, kaffikorgur, tepokar og munnþurkur.
Málmar
Allir málmar, t.d. kaffikútar, niðursuðudósir, járngrindur, hnífapör o.þ.h.
Gler
Allt brotið gler og postulín, gluggagler, borðbúnaður og flöskur.
Postulín
Allt brotið postulín og borðbúnaður.
Raftæki
Öll úr sér gengin raftæki t.d. skjáir og lyklaborð, símar, smærri heimilstæki og tölvur. Rekstraraðilar sjá sjálfir um förgun á stærri raftækjum.
Rafhlöður
Allar rafhlöður. Setjið rafhlöður beint í söfnunartunnu fyrir rafhlöður.
Spilliefni
Efnavörur sem eru í hættumerktum umbúðum og umbúðirnar sjálfar, olía og olíumengaður úrgangur (t.d. olíumengaðar tuskur), málning, lakk og leysiefni (þynnir).
Skilagjaldsskyldar umbúðir
Allar flöskur og dósir og óbrotnar glerflöskur. Setjið flöskur og dósir í poka ofan í sérmerkt kar.
2.7.2
Hafa samband
Ef þú hefur einhverjar spurningar eða ábendingar, vinsamlegast hafðu samband á umhverfi@isavia.is