3.2
Brunavarnir
Brunaviðvörunarkerfi hafa þann tilgang að vara við eldi og reyk til að rýma húsnæði áður en hættuástand skapast og til þess að slökkvistarf geti hafist sem fyrst. Boð og leiðbeiningar um rýmingu eru gefin í gegnum hljóðkerfi KEF eftir eðli váar. Áríðandi er að rekstraraðilar brýni fyrir starfsfólki að taka fullt mark á og bregðast við brunaboðum í samræmi við leiðbeiningar.
Brunaviðvörunarkerfi allra eininga flugstöðvarinnar er tengt stjórnstöð sem stýrir öllum aðgerðum kerfisins. Brunabjöllur eða töluð skilaboð eiga að heyrast hvar sem er í húsnæðinu. Mikilvægt er að láta vita ef boð heyrast ekki eða berast án tilefnis til þess að yfirfara kerfi og finna villu.
Viðbrögð við eldi má sjá hér:
3.2.1
Hvernig koma má í veg fyrir falsboð
Brunaviðvörunarkerfi KEF er beintengt til vaktstöðvar öryggisfyrirtækis og APOC. Við brunaboð fer APOC á hærra viðbragðsstig og öryggisvörður eða húsvörður er sendur á staðinn þaðan sem boðin koma og metur ástæðu boðana. Hægt er að forðast öll eldboð og mikilvægt er að lágmarka falsboð eins og hægt er.
Mikið af falsboðum kemur frá rangri staðsetningu og notkun eldunartækja í flugstöðinni. Örbylgjuofna, mínútugrill, brauðristar, hraðsuðukatla og annan eldunarbúnað skal ávallt staðsetja á þar til gerðum svæðum í starfsmanna aðstöðu. Slökkvitæki og brunateppi eru aðgengileg í starfsmannaaðstöðu rekstraraðila.
Gæta þarf að allri notkun og fylgjast með þegar verið er að nota tækin.Nota skal tækin aðeins í þeim tilgangi sem af þeim er ætlast.
Ef að grunur er um að eldhústæki hafi komið af stað brunaboðum skal tilkynna það tafarlaust til APOC í síma 425-6200.