2.6
Ræsting rýma
Ræsting í rýmum rekstraraðila skal vera reglubundin og taka mið af notkun rýmisins. Rekstraraðili skal leggja fram ræstiáætlun til tengiliðs Isavia til samþykktar þar sem fram koma ítarlegar verklýsingar, upplýsingar um tíðni ræstinga og viðhaldsræstingar. Isavia er heimilt að fara fram á endurskoðun ræstiáætlunar rekstraraðila telji Isavia ræstingu eða gæðum ábótavant. Rekstraraðili skal þá senda endurskoðaða ræstiáætlun til Isavia til samþykktar.
Rekstraraðili eða verktaki á hans vegum sem sinnir ræstingum skal vera með virkt gæðakerfi og reglulegt gæðaeftirlit sem tryggir gæði allra þátta ræstinga. Rekstraraðila ber að nota umhverfisvottuð (type I) hreinsiefni, Svansmerkið eða Evrópublómið.
Isavia áskilur sér rétt til að framkvæma ótilkynnta sjónskoðun á gæðum ræstinga eða kalla eftir upplýsingum um gæðaeftirlit rekstraraðila. Rekstraraðila ber að skrá ábendingar og athugasemdir sem berast og bregðast við með áætlun um úrbætur.
2.6.1
Almenn umgengni
Rekstraraðilum er óheimilt að geyma eða skilja eftir muni, svo sem efni, húsgögn, vörur, úrgang eða aðra hluti, á svæðum flugvallar sem ekki teljast til samningsbundinna rýma rekstraraðila. Þetta bann gildir á öllum gildistíma samnings, þar með talið á undirbúnings- og frágangstímum rekstraraðila vegna rekstrar í rýminu.
Vanefndir á framangreindu geta, vegna hugsanlegrar eldhættu og rekstraráhættu, leitt til íþyngjandi viðurlaga. Fyrir hvern dag sem rekstraraðili uppfyllir ekki þessa skyldu skal hann greiða dagssekt að fjárhæð 50.000 ISK.
Dagssektir taka gildi 48 klukkustundum eftir að rekstraraðili hefur fengið formlega áminningu frá Isavia, hafi úrbætur ekki verið gerðar innan þess tíma.